|
لمن ماتت الزهـره
وبده حيدر يغسلها
ويعاين عالصدر مصيوب
وناده ودمعته يهله
مصابج مرد دلالي
وروحي النايحه سلها
لضل نعاج كل عمري
وحن لشوفتج كل حين
*********
وشالوا نعش ام حسين
وزينب تنظر المنظر
وصاحت يمه يا زهره
ضلعي ريته لتكسر
يا يمه يبعد الروح
على فركاج ما اكدر
دكومي وشوفي حالتنه
بس نهمل دموع العين
*********
دفنه المرتضى باليل
وضل يرتل بعبره
ومن كثر التعب غمضت
عينه ونام ابو العتره
اجته فاطمه تنادي
يا كرار انه الزهره
زينب فزت امن النوم
واخاف عليه يا بو حسين
*********
ما ترضه الزجيه تشوف
زينب نكعد من النوم
ويمه الحسن يمه حسين
ويمه الطاهره ام كلثوم
جا شيصير بالزهره
لو شافت هذاك اليوم
زينب ليلة الحادي
متحيره بين اثنين
*********
تروح لجثة المظلوم
وتشوف لجره عليه
لو تحرس يتامه زغار
غايب عنه واليه
وين ام الحسن عنه
وتعاين زينب شبيه
تنادي بصوته المخنوك
آه يا كطعت الجفين
******
زمان الحسناوي |
