|
اجيت انشد ابو اليمه بدمع هامي
عين الماي انته وتنذبح ضامي
******
هذا الصوت صوت الطاهره الزهره
اجت تنشد ابنها وعينها تنظره
صدك عطشان مات وما شرب كطره
اوتنادي حسين يبني الهيج الامي
******
حوض الكوثر لجدك يضي عيناي
والرواي ابوك المرتضى الرواي
ونته تموت ظامي وما تضوك الماي
شنهي الماي ويحرموك يا دامي
******
امك هاي الك دمعاته تصبه
لا تكسر كلبها ولا تخيبها
يا شمامة امك كوم جاوبها
متسمعها تنادي سودت ايامي
******
كلشي بهالوجود امطوع بأمرك
وما خافي على الكل يالسبط كبرك
شلون الخيل تالي تهشم بصدرك
هذا انته صدك مرضوض جدامي
******
يالدم الرسول المصطفى دمك
كل الكون يخشع لو يمر اسمك
يا رجس الجسر كلي وصل يمك
آيحسين يومك بدد احلامي
******
بدد كل حلم عندي عظم يومك
يالسلبوا الهادي بسلبت اهدومك
جدك عالثره نايم مثل نومك
وآنه ابجي عليك وترجف عضامي
******
ولن زينب الحره تصيح لا تبجين
مو عطشان يمه مات اخوي حسين
يمه شكد بجيت وشرب ماي العين
وبس ردته يضل خيمه عله ايتامي
******
يمه وما بكه وخلاني محتاره
والمظلوم يكصد صاحب الشاره
كصدت المرتضى ودموعي تتجاره
اجاني الليل بويه وحركوا اخيامي
******
نادت فاطمه حيره وحك جدج
انتي الكون كله لا يذ بسدج
تالي محيره بطف كربله وحدج
ولا واحد اجه وعن خدرج يحامي
*****
زمان الحسناوي |
